Nagpagawas sa iyang kasagmuyo ang kanhi PNP chief ug kasamtangan Senador Ronald dela Rosa sa gipagawas nga pasangil ni Police Colonel Jovie Espenido.
Si Senador Dela Rosa nihatag sa iyang katin-awan atol sa programang Padayon Pilipino nga gidumala ni Anchorman Oscar Pasaporte sa sibyaan sa RPN DYKC CEBU.
Gitubag sa Senador ang pasangil na siya maoy nagsugo sa pagapatay ni Albuera, Leyte Mayor Rolando Espinosa ug Ozamiz Mayor Reynaldo “Aldong” Parojinog.
Gitataw ni Dela Rosa nga igo ra siyang nagmando nga ipa “neutralize” ang problema sa ginadiling drugas sa maong mga lugar ug wala kini nagsugo nga pamatyon kini.
Dugang sa Senador nga pag ” neutralize ra ang iyang mando, buot pasabot na himuon ang tanang pamaaging legal para mahunong ang problema sa ginadiling drugas.
Nitubag usab si Dela Rosa sa pasangil nga aduna siya’y kalambigitan sa pag dismissed sa kaso ni Kerwin Espinosa.
Hinuon walay plano nga mohimo og legal action si Dela Rosa diin matod pa niya anad siyang mo agwanta ug mo antos apan kung masubraan na musukol usab kini.
Ani ang maong interview: https://www.facebook.com/share/v/912goEKucUJNNq2L/?mibextid=oFDknk
(Renante Socia Lada)