Isip tubag sa panginahanglan sa mga residente ug aron mapadayon ang koneksyon sa kalihokan tali sa Tabogon ug Borbon, miboluntaryo ang QM Builders sa pagtukod sa usa ka temporaryo nga 1.5-kilometros nga Tabogon–Borbon Diversion Road.
Ang maong dalan nagdugtong gikan sa Sitio Danawan, Barangay Muabog, Tabogon hangtod sa Sitio Punta, Barangay Tagnucan, Borbon, ug gipatuman kini pagkahuman sa Department of Public Works and Highways (DPWH) nga midesisyon nga sirad-an ang NIPA Bridge tungod sa kadaot nga nadala sa bag-ohay nga linog.
Gipasidunggan ni Mayor Francis Salimbangon ang QM Builders sa ilang boluntaryong tabang ug kadasig, nga nagpakita sa tinuod nga espiritu sa bayanihan ug malasakit sa komunidad.
“Dako among pasalamat sa QM Builders nga walay pagduha-duha nga mitabang sa among proyekto. Kini usa ka maayong panang ingnan sa tinuod nga pakig-uban alang sa katawhan,” matod ni Mayor Salimbangon. Nagpasalamat usab siya sa mga tag-iya sa yuta nga nagtugot gamiton ang ilang luna alang sa proyekto.
Ang LGU Tabogon naglaum nga pinaagi sa maong diversion road, mapadayon ang kalihokan sa transportasyon ug negosyo tali sa Tabogon ug Borbon samtang nagpaabot sa pag-ayo sa NIPA Bridge.
I via Renante Socia Lada