Nagmalampuson na usab ang gipahigayon na buy-bust operation sa Cebu Provincial Drug Enforcement Unit batok sa mga nagpayuhot og ginadiling drugas.
Diin, duha ka mga suspetsadong lalaki ang nasikop sa pagpayot og ginadiling drugas didto sa lungsod sa Moalboal, Sugbo, kaganihang kadlawon, Hunyo 16, 2024.
Nakuha sa ilang position ang 450 sa gituhuang shabu na adunay standard drug value na P3,060,000.00.
Bunga kini sa panaghiusa sa Provincial Drug Enforcement Unit/Provincial Intelligence Unit, inabagan sa Moalboal Police Station sa Cebu Police Provincial Office.
Ang mga suspetsado nalandig sa tambalan human kini nangaangol sa dihang gidakop sa kapulisan.
Samtang sa laing buybust operation didto sa Brgy. Dumlog, siyudad sa Talisay, duha usab ang nasikop na nagkupot og ginadiling drugas.
Nakuha sa ilang position ang 180 gramos sa gituhuang shabu na adunay standard drug value na P1.2 milyon.
“Our intensified efforts in our drug-clearing program, aligned with the BIDA Program of SILG Atty. Benjamin Abalos Jr., will soon bring Central Visayas a drug-free and a more peaceful community”, segon ni PBGen. Anthony Aberin, PRO-7, Regional Director.
Sa pagkakaron pulos na giandam ang kasong kalapasan sa RA 9165 batok sa mga suspetsado. (Renante Lada | Ting Joe Pepito)
(Source: PRO-7)