Nasikop sa mga otoridad ang usa ka high-value target ug nasakmit ang gibana-banang ₱10.2 milyon nga kantidad sa giingong shabu sa usa ka buy-bust operation didto sa Barangay Umapad, Mandaue City, kagabii, Lunes, Mayo 26.
Gilusad ang operasyon sa City Intelligence Unit ug City Drug Enforcement Unit sa Mandaue City Police Office (MCPO), kauban ang Philippine Drug Enforcement Agency Region 7 (PDEA-7), pasado alas-8:40 sa gabii.
Gidakop ang suspetsado human kini mobaligya og usa ka plastic pack nga gituohang shabu sa usa ka undercover agent.
Nakuha gikan sa suspetsado ang 15 ka plastic packs nga substansiya nga gituohang shabu, adunay gibug-aton nga 1,500 gramos, standard drug price nga ₱10,200,000. Ang mga ebidensya gihatod sa Regional Forensic Unit 7 alang sa laboratory examination.
Gitanggong na karon ang suspetsado sa Police Station 1, MCPO, samtang giandam ang papeles alang sa pagpssaka og kaso batok kaniya ilawom sa Sections 5 ug 11, Article II sa Republic Act 9165 o ang Comprehensive Dangerous Drugs Act of 2002.
Gipadayag ni Police Brigadier General Redrico A. Maranan, director sa Police Regional Office 7 (PRO7), ang iyang pasidungog sa kalampusan sa operasyon.
“The seizure of over ten million pesos worth of illegal drugs is a powerful message to traffickers and criminal groups: Central Visayas will never be a safe haven for your operations,” PBGen. Maranan said. “This accomplishment reflects the strategic coordination and tireless efforts of our anti-drug units to protect our communities,” matod ni PBGen. Maranan.
Padayon ang PRO7 sa ilang agresibong kampanya batok sa ilegal nga drogas aron mabungkag ang mga drug network ug masiguro ang kalinaw sa tibuok Central Visayas.
Source: PRO-7
I via Renante Socia Lada