Niadtong Septiyembre 6, 2024, sa PRO7 Headquarters, Camp Sergio Osmeña, Cebu City, gipaila sa PNP ang LAB (Love and Blessings) program, usa ka bag-ong inisyatiba nga gitumong sa pagpauswag sa moral ug kaayohan sa mga personahe niini nga nag-atubang sa mga hagit sa panglawas.
Ang kalihokan sa paglusad, nga gipangunahan ni Mrs. Mary Rose Marbil, National Adviser sa PNP Officers Ladies Club Foundation Inc., ug asawa ni PGEN ROMMEL FRANCISCO MARBIL, ang Hepe sa Philippine National Police (PNP) gitambongan ni PBGEN ANTHONY ABERIN, Regional Direktor sa PRO7, mga miyembro sa Command Group, ug bantogang mga opisyal gikan sa Oficers Ladies Club Foundation Inc.
Ang LAB Virus Program, nailhan usab nga Love and Blessings, gidesinyo sa paghatag og emosyonal nga suporta ug praktikal nga tabang sa PNP personnel ug ilang mga pamilya nga nag-atubang sa mga isyu sa panglawas. Kini nga inisyatiba, nga gimaneho sa OLC Foundation Inc., nahiuyon sa padayon nga pasalig sa PNP sa pagpalambo sa empatiya ug panaghiusa sulod sa komunidad niini.
Sa iyang pakigpulong, gipasiugda ni Mrs. Marbil nga ang programa sa LAB Virus labaw pa sa usa ka programa; kini usa ka kalihukan nga gipahinungod sa pag-atiman sa Pamilya sa PNP.
Ang programa nakahimo na ug dakong epekto pinaagi sa paghatag ug pinansyal nga tabang ug importanteng kahinguhaan sa pag-atiman sa panglawas ngadto sa baynte ka PRO7 personnel nga nag-atubang karon sa mga hagit sa panglawas.
Si PBGEN ABERIN nipadayag sa kinasingkasing nga pasalamat ngadto sa OLC Foundation Inc. sa ilang manggihatagon nga suporta. Gihatagan niya og gibug-aton kining maong tabang.
“This support is more than a helping hand; it represents the compassion and solidarity of our community. We hope it brings comfort and relief to our members during their challenging times and reinforces their sense of being valued and cared for by the organization,” segon ni PBGEN Aberin. (Renante Socia Lada)
(Source: PRO-7)