Ang Police Regional Office 7 nakahimo og 298 ka mga dinakpan sa mga dagkong operasyon sa kapulisan nga dungan nga gilusad niadtong Septiyembre 9 hangtod 12, 2024, sa Central Visayas.
Sa mga dinakpan, 103 ang mga drug suspects lakip na ang high-value ug street level nga mga indibidwal diin nasakmit sa mga operatiba ang kinatibuk-ang 2536.54 gramos sa gituohang shabu nga adunay standard drug value nga PhP17,248,472.00.
Nasakmit usab ang ubang drug paraphernalia. Sa laing bahin, nasikop sa ilegal gambling operations ang 111 ka mga suspetsado ug nasakmit ang PhP7,349.00 nga total bet money samtang ang ilegal nga firearm operations niresulta sa pagkasikop sa unom (6) ka mga suspek ug narekober ang 83 ka wala rehistradong armas.
Dugang pa, ang nag-ung-ong nga mga warrant of arrest ngadto sa walo (ka most wanted persons ug 70 ka laing wanted persons anaa na sa kustodiya sa kapulisan pinaagi sa pagpatuman sa court-issued warrants of arrest.
Ang tanang mga ebidensiya nga nasakmit gikan sa mga operasyon gisumite na ngadto sa Forensic Unit alang sa eksaminasyon ug ang tanang nasikop nga mga suspek kasamtangang gitanggong sa kustodiya alang sa tukmang pagpasaka og kaso sa korte.
Gidayeg usab niya ang mga operatiba nga nalambigit sa malampusong paglusad sa mga operasyon nga miresulta sa dakong kalamposan sa PRO7.
“Our collective efforts in combatting criminality in the region is always aligned to the ultimate mandate of the PNP which is to maintain peace, ensure security, promote public order, and enforce the law”, segon ni PBGEN ANTHONY A ABERIN, Regional Director, PRO 7. (Renante Lada and Ting Joe Pepito)
(Source: PRO-7)