Nikabat sa 5,628 ka mga suspetsado sa ilegal nga drugas ang napusasan sa Police Regional Office 7 sulod sa 8 ka bulan nga operasyon tibuok Central Visayas.
Niadtong Enero 1 hangtod Agosto 31, nikabat sa 4,818 ka police operations ang gilusad batok sa anti-illegal drugs nga niresulta sa pagkasakmit sa 144,149.89 gramos nga shabu nga adunay Standard Drug Price (SDP) nga PhP980,219,252.00, uban ang pagkasakmit sa 1,630 ka gramo. sa mga uga nga dahon, 28,061 ka tanom ug 2,000 ka himsog nga marijuana nga adunay kinatibuk-ang SDP nga PhP6,057,802.40.
Dugang pa, 1,055 ka ampules sa Nubain ang nasakmit usab nga adunay SDP nga PhP121,325.00. Ang dinagkong pagdakop ug pagsakmit sa ilegal nga drugas kabahin sa gipakusog, agresibo, community-based ug human rights-adherent campaign sa Central Visayas, base sa pagsunod sa Police Operational Procedures ug pagbutang og premium sa lagda sa balaod sa mga operasyon.
Ang epekto niini nga mga operasyon gipasiugda sa 71% sa 3003 ka barangay sa Central Visayas ang gideklarar nga cleared gikan sa ilegal nga drugas sa Regional Oversight for Drug Clearing Operations. Angayang masayran, sa tuig 2024 pa lang, niabot na sa 206 ka barangay ang na-cleared subay sa Barangay Drug Clearing Program (BDCP).
Ang makuti nga proseso naglakip sa pagdakop sa tanang drug pushers sa barangay ingon man ang pagpalista sa tanang giila nga drug users sa barangay-based rehabilitation program. Traynta pa ka barangay ang ipaubos sa deliberasyon karong Septiyembre 26, 2024, diin i-validate sa mga sakop sa oversight committee nga gilangkuban sa PDEA, PNP, Department of Health, Local Government Units, ug uban pang ahensya sa gobyerno.
Subling gipasalig ni Regional Director Brigadier General Anthony A Aberin nga ipadayon sa PRO7 kining analytical campaign batok sa ilegal nga drugas, uban sa tabang sa ubang stakeholders ug sa komunidad. Gihatagan usab niya og gibug-aton nga ang mga paningkamot sa anti-criminality campaign walay hunong.
“Our efforts in ending the menace of illegal drugs are gaining significant grounds with the arrest of illegal drug suspects and the massive confiscation of illegal drugs. More importantly, these operational accomplishments resulted in the clearing of 71% of the barangays in Central Visayas, and this will continue to rise as we strengthen our partnership in ending illegal drugs, once and for all,” pamahayag ni PBGen Aberin.
Source: PRO-7
I via Renante Lada and Ting Joe Pepito
RPN DYKC CEBU
675 KHZ AM BAND