Gipunting sa Police Regional Office 7 (PRO7) ang ilang dakong kalampusan sa operasyon sa tuig 2025, nga nagpamatuod sa lig-on nga kampanya batok kriminalidad, pagpanalipod sa katawhan, ug pagpalig-on sa pagsalig sa komunidad sa Central Visayas.
Atol sa Monday Flag Raising Ceremony sa Camp Sergio Osmeña Sr., gipresentar ni PRO7 Regional Director PBGEN Redrico A. Maranan ang resulta sa ilang operasyon gikan Enero hangtod Nobyembre 27, 2025.
“These achievements are the product of strategic, intelligence-driven operations, disciplined execution, and strong community cooperation,” segon ni PBGEN Maranan.
Ubos sa gipakusgan nga kampanya batok drogas, nakasakmit ang PRO7 og 124.2 ka kilo nga gituohang shabu nga nagkantidad og ₱849,204,889.60 gikan sa 7,963 ka operasyon. Kini mitultol sa pagdakop sa 9,267 ka drug personalities, lakip ang 309 ka high-value targets, 2,983 street-level individuals, ug 5,975 newly identified personalities.
Nakapahigayon usab ang kapulisan sa rehiyon og 2,612 ka gramos sa marijuana leaves, 14,421 ka marijuana plants, pipila ka marijuana sticks, 250 ka gramos nga cocaine, ug 60 ka ecstasy tablets.
Gipahibawo usab sa PRO7 nga nakaabot og 99.70% conviction rate ang rehiyon alang sa drug cases gikan Enero 1 hangtod Nobyembre 26, 2025, usa ka timaan sa tukma nga imbestigasyon ug hugot nga pagsunod sa legal nga proseso. Sa 141 ka kasong gisang-at, 137 niini mitultol sa conviction.
“Each conviction strengthens public confidence and proves that our operations are credible, disciplined, and justice-driven,” dugang ni PBGEN Maranan.
Iyang gipasabot nga dili lang numero ang dakong gipasabot niini, kondili ang dedikasyon, integridad, ug kooperasyon tali sa kapulisan ug komunidad.
“These results are not just operational wins—they are commitments kept to the communities we serve,” dugang niya.
Misaad ang PRO7 nga ipadayon ang intelihensiya-based ug disiplinado nga pamaagi sa policing aron mapadayon ang kalinaw ug kasigurohan sa tibuok Central Visayas.
Source: PRO7 PIO
I via Renante Socia Lada