Labing minos 30 ka magtiayong PNP ning Police Regional Office ang nakabenepisyo sa interactive sessions ug family-related lecture atol sa pagsaulog sa PNP-PRO7 Family Day sa PRO-7 Headquarters, Camp Sergio Osmeña, Sr., Cebu City, niadtong Septiyembre 21, 2024
Sa iyang mensahe, gipasiugda ni Regional Director Police Brigadier General Anthony A Aberin, pinaagi ni PCOL IRENEO B DALOGDOG, OIC, Office of the Regional Staff, ang kamahinungdanon sa lig-on nga panag-uban sa kaminyoon ug pamilya diin dako kini og epikto sa pagkapulis sa linya s aiyang panirbisyo.
“When we are supported at home, we are better equipped to serve and protect others effectively”, segon ni PBGen Aberin.
Usa ka sesyon sa Mental Health Awareness ug Stress Management ang gipatin-aw ni Mr. Kevin Ken P Remedio, MA, Asst. Instruktor sa USC- Dept. of Psychology. Gisundan kini sa usa ka Financial Literacy and Budgeting lecture ni PMAJ CHRISTONIE T BONGCAWIL, Chief, CAS, RFU-7.
Ang lecture sa Family-Marriage Relationship gihatag usab ni PCOL JOSELITO D BORJA, Regional Chaplain, nga nagpasiugda og mas maayong pagsinabtanay tali sa mga kapikas.
Samtang kini nga mga sesyon nagtumong sa pagpalambo sa balanse sa trabaho-kinabuhi sa matag pulis, kini makatabang usab sa pagpalig-on sa ilang mga relasyon, pagpataas sa ilang kalig-on, pagpalambo sa kahanas sa komunikasyon tali sa mga ginikanan ug sa ilang mga anak, pagpalambo sa himsog nga kalamboan ug paglihok.
“As an Able, Active, and Allied police force, we uphold our mandate while also prioritizing our family. May this PNP Family Day enrich your lives and bring your families closer together”, dugang ni PBGen Aberin.
Sa laing bahin, ang makalingaw nga mga kalihokan ug mga dula gihatag ngadto sa mga anak sa mga magtiayon aron sila magpabilin nga moapil samtang ang mga sesyon nagpadayon ug hangtud nga ang tibuok nga programa natapos.
Gipadayag usab ni PBGen Aberin ang iyang pasalamat sa mga magtutudlo sa ilang presensya ug sa pagpaambit sa ilang kahanas sa mga partisipante sa kini nga hinungdanon nga kalihokan. (Renante Socia Lada)
(Source: PRO-7)