Nilusad karon ang Police Regional Office kon PRO-7 og regionwide manhunt operation batok sa usa ka lalaki nga gitumbok nga suspek sa pagpatay sa usa ka 18-anyos nga tinun-an nga taga siyudad sa Toledo.
Giila ang gidudahang suspek nga si Richard Cabugsa, hingkod ang panuigon, nga giingong nag-abang didto sa Pier 1 ning dakbayan sa Sugbo apan giingong lumad nga taga Misamis Oriental.
Nasayran gikan ni Police Lieutenant Colonel Gerard Ace Pelare spokesperson sa Kapulisan sa Rehiyon nga aduna na kini laing kaso nga giatubang ang maong suspect didto sa Mindanao, apan mohimo sila og dugang kumpirmasyon kalabot niini.
Matud niya nga tanang unit sa kapulisan sa Central Visayas nangita na kang Cabugsa ognag -awahag sila sa publiko nga kung adunay kasayuran mamahimong mutaho sa pinakaduol nga Police Station.
Samtang ang pamilya sa bitima nagsinggit og hustisya sa kamatayon ni Mae Fatima Tagactac. Ipaubos usab sa autopsy ang patayng lawas sa biktima. (Renante Lada and Ting Joe Pepito)