Naghatag ang Philippine Drug Enforcement Agency (PDEA) og kinatibuk-ang ₱775,144.97 nga cash reward sa upat ka civilian informants tungod sa lima ka reports niadtong Disyembre 17, 2025, ubos sa Operation: Private Eye (OPE), usa ka programa nga nagpalig-on sa papel sa ordinaryong tawo sa pagpanalipod sa ilang komunidad batok sa iligal nga drogas.
Ang mga premyo gihatag personal ni Secretary Oscar F. Valenzuela, Chairman sa Dangerous Drugs Board, ug ni Undersecretary Isagani R. Nerez, Director General sa PDEA, atol sa programa alang sa destruction sa mga illegal drugs sa Cosmopolitan Funeral Homes Inc., Junquera Street, Cebu City.
Gitago ang identidad sa mga informants alang sa ilang proteksyon. Ang ilang mga report nakatabang sa pagkumpiskar sa nagkalain-laing kantidad sa shabu, lakip ang: 803.43 grams ni Loloy (5) sa Mandaue City, 998.30 grams ni Dado sa Lapu-Lapu City, 999.36 grams ni Toto sa Lapu-Lapu City, 2,140.08 grams ni Uncle sa Talisay City, ug 2,973.54 grams ni Loloy (6) sa Talisay City. Ang matag informant nakadawat og reward sumala sa kantidad nga nasakmit nga drogas.
Private Eye gi-implementar ubos sa Dangerous Drugs Board Regulation No. 5, Series of 2003, nga nagtugot sa paghatag og reward sa bisan kinsa nga mohatag og impormasyon nga makatabang sa pagkasakmit sa illegal drugs o pagdakop sa mga violators sa RA 9165.
Gipasabot sa PDEA nga kini nga programa nagpalig-on sa kooperasyon sa komunidad ug sa mga law enforcement agencies, ug naghatag og dako nga tabang sa pagpakunhod sa iligal nga drogas sa Sugbo, samtang nag-awhag sa publiko nga padayon nga moapil sa programa aron mas mapalig-on ang kaluwasan sa komunidad.
Source: PDEA-7
I via Renante Socia Lada