Usa ka 33-anyos nga lalaki nga suspek nasikop sa mga operatiba niadtong Lunes sa gabii, Septembre 16, 2024, pinaagi sa buy-bust operation nga gipahigayon didto sa L. Tudtud Street, Barangay Mabolo, dakbayan sa Sugbo.
Nasakmit sa maong lehitimong operasyon ang 1,200 gramos sa gituohang shabu nga adunay standard nga presyo sa droga nga PhP8,160,000.00, lakip ang ubang drug paraphernalia.
Kini nga mga ebidensya isumite sa Regional Forensic Unit alang sa pagsusi. Samtang ang dinakpan temporaryong gitanggong sa custodial facility sa RPDEU 7 ug mag-atubang kini og tukmang kaso isip paglapas sa RA 9165 o Comprehensive Dangerous Drugs Act of 2002.
Samtang, ang Regional Director niini nga Police Regional Office Police Brigadier General Anthony A. Aberin nidayeg sa mga personahe nga nalambigit sa malampusong pag-neutralize sa nasangpit nga suspek nga nakapugong pa sa distribusyon sa ilegal nga drugas sa dakbayan.
“This accomplishment is a testament of our aggressive intervention and efforts in eliminating the drug menace in Central Visayas with strict observance on the basic operational procedures”, dugang ni PBGen. Aberin.
Source: PRO-7
I via Renante Lada and Ting Joe Pepito
RPN DYKC CEBU
675 KHZ AM BAND