Cebu City – Siyam ka mga indibidwal ang nasikop sa duha ka entrapment operations sa National Bureau of Investigation (NBI) Mandaue Cebu District Office ug NBI Central Visayas in coordination sa Department of Energy Central Visayas batok sa mga indibidwal nga giingong illegal nga nagbaligya ug fuel, Martes, Hulyo 26, 2022.
Dungan nga gipahigayon sa NBI team ang duha ka managlahi nga operation sa compound sa Syudad sa Mandaue ug Dakbayan sa Sugbo.
Ang duha ka lugar mao ang compound sa Barangay Subangdaku,Syudad sa Mandaue ug ang laing compound nga nahimutang sa T. Padilla Extension, Barangay Tejero, Dakbayan sa Sugbo.
Sa press Conference, gikonpirma ni Agent-in-Charge Arnel Pura ang ilang gipahigayon nga duha ka operation sa duha ka managlahi nga compound sa nahisgutang mga lugar.
Nagkanayon si Pura nga dunay Illegal sale, distribution ug trading sa fuels nga walay license o pagtugot gikan sa Department of Energy.
“Acting on that letter-complaint we conducted surveilance operations,” saysay ni Pura.
Matod sa NBI official nga nasakpan kini nila nga nagbaligya ug illegal fuel products “paihi” sa nahisgutang mga lugar diin nadakpan ang siyam ka mga indibidwal.
Nasakmit sa maong operasyon ang gatosan ka litro sa diesel ug gasoline fuels sud sa mga barrel nga mi kantidad ug ₱ 1,000,000. (Jhon Tadlip)
(News & photos courtesy of NBI Mandaue-Cebu District Office | NBI 7)