Nikalas og usa ka kinabuhi ang nahitabong disgrasya sa kadalanana human napasok sa SUV ang drayber sa motor.
Nahitabo kini pasado alas 11:30 kagahapon sa buntag, Oktobre 13, 2024, didto sa Sitio Camanggahan, Barangay Cansumoroy, Lungsod sa Balamban, Sugbo.
Ang biktima giila sa Balamaban Police Station na mao si Mico Dionson, 23-anyos ang pangidaron, samtang ang drayber sa Toyota Fortuner mao si Junjun Quirabo, 37-anyos, taga Sitio Nazareth, Barangay Maguikay, Dakbayan sa Mandaue.
Sa imbestigasyon sa kapulisan nasayran nga ang duha ka mga sakyanan nagbiyahi sa managlahing direksiyon sa dihang nagkabangga kini sa maong lugar.
Nahibaw-an nga kusog ang dagan sa motor nga gimaniho ni Dionson nga nawad-an sa kontrol og ni deretso sa gikasugat nga SUV.
Dali kining gidala sa tambalanan apan nabugtuan gyud kini sa kinabuhi, samtang nasayran nga nagkasabot ra ang duha ka habig kalabot sa maong aksidenti diin mutabang sa pag abaga sa galastuan ang tag iya sa SUV. (Renante Lada and Ting Joe Pepito)