Gisugdan na sa mga otoridad ang digital forensic examination niadtong Martes , Oktobre 15, 2024, alang sa sulod sa mga computer ug gadgets nga nasakmit gikan sa Philippine offshore gaming operators (POGO) hub sulod sa usa ka resort sa Moalboal, habagatang bahin sa lalawigan sa Sugbo.
Si Maj. Brigido Paca II, hepe sa Moalboal police station, niingon nga ang Criminal Investigation and Detection Group (CIDG) 7 (Central Visayas), Regional Anti-Cyber Crime Unit (RACCU) 7, ug ang kapolisan sa lungsod nisilbi niadtong Lunes sa gabii og cyber warrant nga giisyu sa Regional Trial Court Branch 29 sa Toledo City ug girekisa ang usa ka resort nga gigamit isip POGO hub sa Sitio Kalingking, Barangay Saavedra sa diving capital town.
“Nagpahigayon mi og briefing alas 9 sa Martes (gabii) sa wala pa namo ipatuman ang search warrant uban sa CIDG, RACCU-7, ug sa Moalboal police,” matod ni Paca.
Matod niya nga adunay kinatibuk-ang 34 ka computer set, upat ka laptop, ug 226 ka cellular phones ang nasakmit sa POGO hub nga naglihok sulod sa Happy Bear Resort aron pagtino sa matang sa operasyon sa mga langyaw.
“Initially, RACCU-7 are inspecting the gadgets offsite because these were off when confiscated,” gibutyag ni Paca sa Cebuano.
Naghuwat pa ang lokal nga awtoridad sa kalambuan gikan sa Bureau of Immigration aron matino ang status sa pagpabilin sa 38 ka Chinese national dihang nasikop atol sa pag-raid niadtong Oktubre 11 sa resort.
Ang mga langyaw gipaubos sa inquest proceedings ug nagpaabot sa tukmang kaso nga ipasaka batok kanila.
I via Renante Lada