Nabuy-od na wala nay kinabuhi ang usa ka Medtech human naligsan sa nagsunod niya nga truck.
Ang aksidenti nahitabo pasado alas 11:00 kagahapon sa buntag, Oktobre23, 2023, didto sa Barangay Dapitan lungsod sa Cordova, Sugbo.
Giila sa Cordova Police Station ang biktima nga mao si Adrian Avenido Isola, 26 anyos ang panuigon, residenti sa Barangay Basdiot, lungsod sa Moalboal, probinsya sa Sugbo.
Naila usab ang suspetsado nga driver na mao si Joker Villacroses Layao, 20 anyos ang panuigon, taga Sitio Mahayahay 1, Barangay Gabi, sa Lungsod sa Cordova.
Sa inbestigasyon sa kapulisan nasayran nga ang biktima luwan sa motorsiklo na iyang gimaniho subay sa nasudnong dalan diin pag abot na sa naasoy na lugar nawad-an kini sa kontrol.
Nasangit sa gutter ang gimaniho ni Isola hinungdan sa pagkatumba niini og naligsan sa nagsunod na truck.
Sa kabug-at sa nakaligis sa biktima nakabsan gyud kini sa kinabuhi human sa pipila ka minuto ang nakalabay.
Sa pagkakaron padayon gitanggong ang suspetsado na driver samtang gihuwat ang panagsabot-sabot sa duha ka habig. (Renante Lada, photo credits to the owner)