Wala nay kinabuhi na niabot sa tambalanan ang usa ka mananagat atol sa ilang pagpanagat.
Nahitabot kini didto sa Municipal Sea Water sa Barangay South Granda, Lungsod sa Boljoon, probinsya sa Sugbo, pasado alas 10:30 kagabii, Pebrero 14, 2024.
Ang biktima mao si Gregorio Viñan, 45 anyos ang panuigon, residenti sa Brgy. Baclayan sa naasoy na lungsod.
Sa imbestigasyon na gihimo ni Police Staff Sergeant Sherwin Cejudo, investigator sa Boljoon Police Station na ang biktima uban ni Jeffrey Fajardo, hingkod ang panuigon, namana sa naasoy na lugar sa dihang namatikdan sa kauban na wala na nitunga ang biktima.
Sa pagsawom na ni Fajardo iyang nakita si Viñan na naglingkod na sa bas sa dagat og nag gakos sa isda na iyang napana.
Duda sa kapulisan na ang biktima nahutdan sa hangin na maoy hinungdan sa iyang pagkalumos patay.
(Renante Socia Lada, photo courtesy by Boljoon Police Station)