Naligo sa kaugalingong dugo ang usa ka lola human giputlan og ulo ug kamot sa iya mismong silingan.
Didto kini nahitabo sa Purok Malubgas, Barangay Basdiot, lungsod sa Moalboal, probinsya sa Sugbo, kagahapon sa hapon Marso 4, 2024.
Ang biktima giila sa Moalboal Police Station na mao si Gomersinda Deniega Avenido, 75 anyos ang panuigon, residenti rapud sa maong lugar.
Naila usab ang suspetsado na mao si Reno Arcelo Tereso, 36 anyos nagpuyo rapud sa maong dapit.
Sa inbestigasyon sa kapulisan nasayran na samtang nangahoy ang biktima nagkakita kini sa suspetsado ug nagkalalis tungod kay gusto na papahawaon sa biktima ang suspetsado na nagpuyo sa iyang yuta.
Sa kalagot ni Tereso nikuha kini og sundang dayon tigbas ni Avenido na naputol ang ulo ug kamot.
Nisulay unta pagsibat ang mamumuno apan nasikop kini sa kapulisan paglabay sa pipila ka oras.
Sa pagkakaron giandam na sa kapulisan ang kasong murder batok sa suspetsado na ni tagod-tagos sa tiguwang na babaye. (Renante Lada, photo courtesy of Moalboal Police Station)