Nakugang ang asawa human niya nakita nga wala nay kinabuhi ang iyang bana nga usa ka Japanese.
Pasado alas 6:00 kagahapon sa buntag, Nobyembre 25, 2023, didto sa Purok Red Rose, Verrie Hills Subdivision, Barangay Yati, lungsod sa Liloan, probinsya sa Sugbo.
Ang biktima giila sa Liloan Police Station nga mao si Doug Hiroshi Sugawara, 72 anyos ang panuigon, American Citizen, nagpuyo rapud sa maong lugar.
Sa inbestigasyon sa kapulisan nasayran nga gigapos ang tiil, kamot ug gi taptapan ang baba niini nga wala nay kinabuhi.
Nangawagtang usab ang Kwarta, ID, pitaka ug uban pang mga butang sulod sa ilang balay.
Ang kapulisan nagsubay karon sa anggulo nga tulis ang motibo sa maong krimin gumikan sa mga nangawala nga gamit.
Sa pagkakaron nagpadayon ang inbestigasyon aron pagsuta kung si kinsa ang nibuhat sa maong krimin. (Renante Lada, photo credits to the owner)