Nagtingkagol sa prisohan kining usa ka construction worker, kinsa nadakpan sa kapulisan human nga namatikdan nga paghupot og armas nga walay lisensya niadtong Martes, pasado alas 5 sa kaadlawon, sa Sitio Mangal, Barangay Punta Engaño, dakbayan sa Lapu Lapu.
Ang nasikop naila nga si alyas Dan, 39, nagpuyo sa nahisgutang lugar.
Si Police Lieutenant Colonel Christian Torres, tigpamaba sa Lapu-Lapu City Police Office (LCPO), nagkanayon nga adunay usa ka concerned citizen ang mireport kanila nga adunay usa ka lalaki nga nagdala dala ug armas, sa pagresponde sa mga kapulisan ilang naaktohan ang maong suspek ug narekober nila ang armas nga wala pa matino nga kalibre ug adunay tulo ka buhing bala gikan sa posesyon sa suspetsado.
Dugang nasayran sa kapulisan nga si Dan, mao usab ang responsabli sa pagdunggab patay sa iyang kauban sa trabaho niadtong Domingo sa buntag, sa Sitio Mangal, Brgy. Punta Engaño.
I via TJP uban ni Renante Socia Lada
RPN DYKC RADIO CEBU
(Hulagway nga inyong nakita usa lamang ka presentasyon sa balita)