Nailhan na ang usa ka lalaki nga gi salvage ug gilabay sa Sitio Morgan, Barangay Sudlon 1, Cebu City, kagahapon sa buntag, Marso 6, 2025.
Ang biktima giila sa mga kaliwat nga mao si Eugene Bacus, 58 anyos, residente sa Sitio Ilang-ilang, Barangay Lagtang, Talisay City.
Sa imbestigasyon sa kapulisan nasayran nga gikuha og upat ka tawo ang biktima sa ilang balay og gi karga sa sakyanan. Nakahiagom kini og pinusilan sa iyang ulo na maoy himungdan sa iyang kamatayon.
Base sa impormasyon gikan sa mga kaparyente, si Bacus nadakpan kaniadtong 2020 tungod sa kaso nga may kalambigitan sa ilegal nga drogas, apan nakagawas kini pagka-2023. Human sa iyang paggawas, nadiskubrehan nga mibalik siya sa paggamit sa ginadiling drogas.
Sa pagkakaron nagpadayon pa ang imbestigasyon sa kapolisan aron matumbok ang motibo sa krimen ug makuha ang hustisya alang sa biktima. (Renante Socia Lada)