Usa ka lalaki ang namatay human gipusil samtang nag-angkas sa motor sa Sitio Lahing-Lahing 2, Barangay Mabolo, Dakbayan sa Sugbo, pasado alas 11:00 sa gabii, Enero 16, 2025.
Sa nasayran ang biktima nahagba na sa karsada nga naligo sa kaugalingon duha na adunay daghang samad pinusilan sa lawas. Ang biktima giila nga si Eugene Gabato Taripe, 47 anyos, base sa lisensiyang nakuha gikan sa iyang bulsa. Siya residente sa St. Jude St., Barangay Mabolo, Cebu City.
Sumala sa imbestigasyon si Taripe kanhi nang napriso human nga nasikop sa iligal nga drogas nga nagkantidad og kapin sa Php 1.7 milyon nga balor sa shabu.
Ang Scene of the Crime Operatives (SOCO) nakakuha og tulo ka empty shells gikan sa .45 caliber nga armas sa crime scene. Sa pagkakaron padayon pa ang imbistigasyon sa kapulisan sa Mabolo Police Station aron masuta ang hinungdan sa krimen ug matino ang responsable niini. (Renante Socia Lada)