Wala nay kinabuhi nga napalgan ang usa ka lalaki nga adunay samad pinusilan didto sa Sitio Mahayahay 3, Barangay Labogon, siyudad sa Mandaue.
Pasado alas 3:40 kagapon sa hapon, Nobyembre 19, 2023, nadawat ang tawag sa mga sakop sa BDRRMO sa Barangay Labogon ang taho nga adunay usa ka lalaki nga nakit-an nga wala nay kinabuhi.
Sa inbestigasyon sa Mandaue City Police Office pinaagi ni PLT Col. Franco Oriol, tig pamaba sa MCPO, nga ang maong biktima nga lalaki nagpanuigon og 26 anyos, may kaipon, residenti sa Sitio Chicos, sa mao ra nga Brgy. ug dakbayan.
Ang maong lalaki adunay samad pinusilan sa ulo ug abaga nga maoy hinungdan sa kamatayon niini.
Sa pagkakaron ang kapulisan nagpadayon pa sa ilang inbestigasyon aron pagsuta kung unsay motibo sa maong krimin og si kinsa usab ang nibuhat niini. (Renante Lada, photo courtesy of MCPO)