Anaa sa tumang kaguol ang gibati sa pamilya sa kanhi OFW ug Saleslady human nila nasayran ang gidangatan niini nga brutal nga gipatay.
Didto kini nahitabo sa Sitio Laguna, Barangay Bulacao, dakbayan sa Sugbo, kagahapon sa hapon, Agusto 2, 2024. Ang biktima giila sa Cebu City Police Office nga mao si Charina Relativo, 27 anyos ang panuigon, taga Barangay Bulasa, lungsod sa Argao, Sugbo. Sa imbestigasyon sa kapulisan nasayran nga na diskubri-an sa mga residenti sa maong lugar ang gidangatan sa biktima.
Si Relativo gituhuang gisunog ang nawong ug ulo sa wala pa kini gipatay. Gisusi usab sa kapulisan ang posibling paglugos sa biktima sa wala pa gihunos ang iyang kinabuhi. Sa pagkakaron tanang angulo gisubay sa kapulisan kung unsay motibo sa maong krimin ug si kinsa ang nihimo niini. (Renante Socia Lada & Ting Joe Pepito)