Naligo sa kaugalingong dugo ang usa ka habal-habl drayber human gipusil sa wala matino nga suspetsado. Nahitabo kini pasado alas 10:00 kagabii, Oktobre 15, 2024, didto sa Sitio Upper Laya, Brgy.Kalunasan ning syudad sa Sugbo.
Ang biktima giila sa Cebu City Police Station na mao si Johnprel Ocay Dela Cerna, 25-anyos, ug molupyo sa naasoy’ng lugar.
Sa pasiunang imbestigasyon sa kapulisan nasayran nga samtang nag ayo ang biktima sa iyang motorsiklo giduol kini sa mamumuno dayon pusil kaniya nga maoy hinungdan sa iyang kamatayon.
Sa pagkakaron padayon ang imbestigasyon sa kapulisan sa maong krimin aron pagsuta kung si kinsa nag nibuhat niini ug unsa usab ang motibo sa pagpatay sa biktima.
| via Renante Lada