Naligo sa kaugalingong dugo ang usa ka lalaki human nakig pinusilay sa kapulisan sa Argao Police Station.
Didto kini nahitabo sa Barangay Taloot, lungsod sa Argao, probinsya sa Sugbo, pasado alas 6:30 sa buntag, Agosto 30, 2024. Ang akusado giila sa Argao Police Station na mao si Danilo Gula Rafaela, 43 anyos ang panuigon, residenti rapud sa maong lugar.
Sa imbestigasyon sa kapulisan nasayran nga nakadawat og taho ang kapulisan sa maong lungsod pinaagi sa usa ka concern citizen nga adunay nagpabuto og armas de fuego. Dali kining gi respondihan sa kapulisan apan gipamusil na hinuon sila na ni resulta sa sinukli-ay sa mga bala, apan way swerti si Rafaela kay naigo kini og namatay.
Nasayran usab nga ang napatay taud-taud na nga nanghulga sa kinabuhi sa hepe sa maong police station na mao si Police Major Janus Giangan diha sa social media. (Renante Socia Lada)