Gipakusgan ang kampanya batok sa drunk driving sa Cebu City human magtinabangay ang Cebu City Police Office (CCPO) ug ubang ahensya sa usa ka operasyon niadtong Marso 28, 2026.
Kauban sa CCPO ang Land Transportation Office (LTO) Region 7, LTO Central Office, ug Philippine Coast Guard Special Operations Task Group aron mas mapatuman ang balaod sa trapiko sa siyudad.
Dako ang papel sa CCPO sa pagseguro sa kaluwasan, pagdumala sa trapiko, ug pagpatuman sa balaod ilabina sa Republic Act 10586 o ang Anti-Drunk and Drugged Driving Act.
Tungod sa operasyon, naka-isyu og 73 ka Temporary Operator’s Permits (TOPs) ug natala ang 78 ka traffic violations sama sa drunk driving, wala marehistrong sakyanan, ug paglapas sa seatbelt ug helmet law.
Nasayran usab nga siyam (9) ka motorista ang positibo sa alkohol. Gidala sila sa Cebu City Traffic Enforcement Unit ug gi-impound ang ilang mga sakyanan.
Nagpadayon ang CCPO sa ilang paningkamot uban sa laing ahensya aron mapalig-on ang kaluwasan sa dalan, mapadayon ang kahapsay sa trapiko, ug maprotektahan ang kinabuhi sa tanang road users.
Source: CCPO
I via Renante Socia Lada