Nakalas ang giilang “notorious hitman” sa nahitabong engkuwentro tali sa kapulisan og sa grupo sa mga kriminal didto sa Barangay Jampang, lungsod sa Argao, probinsya sa Sugbo, kagahapong adlawa, Septembre 13, 2024.
Ang nakalas giila sa Argao Police Station na mao si Joeraldine Bajenting Gevana, alias “Jiraldin, hingkod ang panuigon, residenti sa maong lungsod.
Sa imbestigasyon sa kapulisan nasayran nga ang kapulisan sa maong lungsod mag serve unta og warrant of arrest sa maong suspetsado apan sa pag abot na nila sa maong lugar una kining gipaulanan og bala na ni resulta sa pinusilay.
Naigo si Gevana na gilang sakop sa drug syndicate sa maong lungsod samtang naangol usab ang usa ka Patrolman na sakop sa Argao Police Station.
Si Police Major Janus Giangan, hepe sa Argao Police Station maisugon kining mupadayon sa paggukod sa mga dautang elemento nga naglihok ubos sa iyang area of responsibility.
Nasayran usab nga adunay tunnel sa maong lugar nga posibling didto niagi sa pag ikyas ang ubang suspetsado.
“Ako nihangyo na ko ninyu…ako pa gistoryahan inyu mga ginikanan, surrender mos police station ug iturn-over inyu mga armas. Pero nangatawa ra man mo, gihagit pa kog patay ninyu. Gichatan pa ko nga patyon. Namalit pa ug sniper scope, granada ug mga bala. So karun, hangyo nasad kog balik…surrender mo diris police station ug dad-a inyu mga armas,” segon ni Police Major Giangan. (Renante Lada and Ting Joe Pepito)