Si Mayor Atty. Raymond Alvin Garcia maoy nag abli sa floating book fair, M/V Doulos Hope, sa pagdunggo niini sa Pier 5 sa Cebu City kagahapong adlawa, Oktubre 15, 2024. sa Sugbo.
Atol sa opening ceremony, si Mayor Garcia nihatag og kinasingkasing nga pakigpulong nga nagpasiugda sa transformative power sa pagbasa ug edukasyon.
Gihisgutan niya ang pasalig sa dakbayan sa pagpasiugda sa literasiya ug tibuok kinabuhi nga pagkat-on, nga nagpasiugda nga ang pag-access sa mga libro ug kahibalo kinahanglanon alang sa pag-umol sa mas hayag, mas maalamon nga kaugmaon alang sa kabatan-onan ug komunidad sa Sugbo.
Ang Doulos Hope book fair nagtanyag og lain-laing mga libro nga adunay kapin sa 2,000 ka mga titulo, lakip ang mga libro sa mga bata, biography, cookbook, fiction, ug uban pa.
Abli kini sa publiko gikan Oktubre 15 hangtod Nobyembre 10, nga naglihok sa Martes hangtod Domingo gikan sa 1:00 sa hapon hangtod 8:30 sa gabii, ang katapusan nga pweding musulod alas 8:00 sa gabii. Sirado ang barko sa Lunes. Mobiya kini sa Sugbo karong Nobyimbre 10, 2024.
Kining talagsaon nga kalihokan naghatag ug kahigayonan sa mga Sugbuanon sa palawom sa kalibotan sa literatura.
Nitambong usab atol sa pagbukas sila si Cebu Provincial Governor Gwen Garcia ug Cebu City Councilor Joy Pesquera.
Gidapit ang tanana sa pagbesita sa M/V Doulos Hope International aron makakita  og nagkadaiyang mga matang sa libo na magamit sa pagtuon ug pagtungha.
Source: Cebu City PIO
I via Renante Socia Lada