Naligo sa kaugalingong dugo ang usa ka ex-convict human gipusil sa wala matino na suspetsado.
Ang pagpamusil nahitabo pasado alas 8:00 kagabii, Oktobre 18, 2023, didto sa Katipunan Street, Barangay Labangon, siyudad sa Cebu.
Giila ang biktima sa Labangon Police Station nga mao si Niño Dignos Dacuba, 30 anyos ang panuigon, ulitawo ,residenti rapud sa maong barangay ug dakbayan.
Sa inbestigasyon sa kapulisan nasayran nga samtang nagbarog ang biktima sa lugar diin siya nag sideline isip parking boy kalit kining giduol sa mamumuno dayon pusil kaniya nga naigo sa ulo.
Gitiwasan pa kini aron pag seguro nga makabsan gyud sa kinabuhi sa wala pa nisibat ang nagpatay.
Nasayran usab nga si Dacuba segi na kini og balik-balik sa prisuhan sa mga nagkadaiyang kaso.
Sa pagkakaron nagpadayon ang inbestigasyon sa kapulisan aron pagsuta sa motibo sa maong krimin og si kinsa ang nibuhat sa maong krimin. (Renante Lada, photo credits to the owner)