Ang mga marine biologist gikan sa Cebu City Bantay Dagat ug Cebu Technological University, uban sa mga boluntaryo sa Knight-Stewards of the Sea, Inc., mikompirmar sa presensya sa usa ka critically endangered species sa mollusk sa municipal waters sa Cebu City.
Ang 𝑃𝑖𝑛𝑛𝑎 𝑛𝑜𝑏𝑖𝑙𝑖𝑠, nailhan usab sa komon nga ngalan nga noble pen shell, maoy usa ka matang sa mollusk nga gituohang endemic sa Mediterranean Sea.
Misulod kini sa International Union for the Conservation of Nature’s Red List of Critically Endangered Species niadtong Oktubre 18, 2019, sumala sa website sa IUCN.
Nakuha ang sample sa mollusk atol sa exploratory dive niadtong Agosto 22, 2024, diin ang mga marine biologist nga sila si Joed Caballero sa CTU ug Jhon Ismael Fernandez sa Bantay Dagat maoy nipresentar sa findings ngadto sa Cebu City Bantay Dagat Commission niadtong Biyernes, Oktubre 11, 2024.
Ang Commission, usa ka attached agency sa Office of Cebu City Mayor Atty. Raymond Alvin Garcia, unya mitugot sa usa ka mas lapad nga biodiversity assessment sa densidad sa populasyon sa mga amahong sa municipal waters sa Cebu City, uban sa mga divers nga nakakita ug laing sample sa critically endangered species samtang nagpahigayon sa underwater procedure nga nailhang Point Intercept Transect pagkasunod adlaw.
Wala pa mahibal-an kung giunsa ang usa ka species nga endemic sa Dagat Mediteranyo nakaabot sa rehiyon sa Indo-Pacific, labi na sa tubig sa munisipyo sa Syudad sa Sugbo.
Apan ang paglakip niini sa IUCN Red List gituyo aron maimpluwensyahan ang nasyonal ug internasyonal nga palisiya ug paghimog desisyon, ug maghatag kasayuran aron magiya ang mga aksyon padulong sa pagkonserba ug pagpabilin niini.
Source: Cebu City Reef Rehabilitation Initiative
I via Renante Socia Lada
#rpndykccebu
#675hzamband
#mrpublicservice