29.5 C
Manila
Friday, March 29, 2024

Cebu: Dul-an sa 200 ka mga sakyanan sa kadagatan ang nisalmot sa fluvial procession

- Advertisement -

Dili muminos dul-an sa 200 ka mga sakyanan sa kadagatan ang nisalmot sa fluvial procession, karong adlawa, Enero 14, 2023, disperas sa kapistahan sa Balaang Bata nga si Señor Santo Niño.

Ang Philippine Coast Guard-Central sa Visayas ni rehistro na sa mga sakyanan sa kadagatan pipila ka adlaw sa wala pa ang fluvial procession.

Si Stephen Pagcaliwagan, information officer sa PCG-7, niingon kagahapon nga, 181 ang nagpa restro sa ilang buhatan, diin 16 niini mga yati, 17 ka tugboats, 131 motorbankas ug 17 ka mga sakyanan nga adunay timbang nga 300 gross tonelada.

Libuan ka mga debotos ang nisalmot sa maong reliyusong kalihukan karong adlawa ug ang uban kanila nag atang lang sa kadaplinan sa pag agi sa barko nga gi kargahan sa imahin ni Señor Santo Niño.

Si Cebu Archbishop Jose Palma, Arsobispo sa Sugbo nipanalangin sa maong procession sa kadagatan ug uban usab siya nga nisakay sa barko.

Bisan paman wala nagpakita ang haring adlaw sa Sugbo karong adlawa apan nibintaha na ang panahon kay wala nibunok ang uwan sukwahi niadtong mga niaging adlaw.

Kining maong fluvial procession nabalik human sa duha ka tuig ang nakalabay gumikan s apagsulbong sa kaso sa Covid-19 virus sa Pilipinas.

Daghan sa mga debotos ang nangalipay sa pag agi sa imahin ni Señor Santo Niño sa ilang lugar ug nangaliya usab sila nga dunggong ang ilang mga pag ampo ug tabangan kanunay labi na sa panahon sa ilang pagsulay sa kinabuhi. (Renante Lada, photo courtesy of BMSN)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -