Sa prisohan na magsaulog ug bag-ong tuig ang duha (2) ka suspetsado human madakpi pinasikad sa buy bust operation nga gihimo sa Sawang Calero Police Station 6, gipanguluhan ni PCPT GIANN KARLO M REYES, hepe sa maong buhatan, niadtong Disyembre 27, 2025 didto sa Blk 4, sakop sa Brgy. Sawang Calero ning Dakbayan sa Sugbo.
Basi sa imbistigasyon ug datos nga nakalap, giila ang suspetsado nga si alyas ‘FREDSIL’ 34 anyos, nahitala isip high value individual ug babae nga kauban niini nga nagpangidaron ug 35 anyos, nahitala isip street level individual diin parehong nasakmitan ug nagkadaiyang pakete sa shabu nga adunay 110 gramos ang timbang nga mukabat sa ₱748,000 ang balor ug buy bust money kauban ang usa ka gray pouch nga gitoohang container sa maong drogas.
Nag-atubang sa patong-patong nga kasong pagpamaligya ug paghupot ug ginadiling droga ubos sa violations of Secs. 5 and 11 Art 2 of RA 9165 o Comprehensive Dangerous Drugs Act of 2002 ang mga suspek.
Si Cebu City Police Office Officer-in-Charge PCOL GEORGE V YLANAN nidayig sa Sawang Calero Pulis sa ilang malampuson nga operasyon batok iligal nga drogas ug kriminalidad ug nipasalig sa publiko nga magpabiling hugot ang kapulisan sa kampanya batok iligal nga drogas ug kriminalidad.
Source: CCPO
I via Renante Socia Lada