Kagahapong adlawa Septembre 15, 2024 gisaulog sa siyudad sa Danao ang Karansa Festival na gihugupan sa daghang mga tawo nga nitan-aw sa mga contingents. Makita nga bisan sa mga pag ulan ug dautang tempo sa panahon apan ang mga contingents padayong nipasundayag sa ilang mga sayaw sa kadalanan sa maong siyudad.
Ang Karansa Festival usa ka kompetisyon sa sayaw nga adunay street dancing ug usa ka ritual showdown, nga gihimo matag ikatulo nga Domingo sa Septyembre, usa ka adlaw sa dili pa ang kasaulogan sa fiesta sa siyudad. Kini nga festival usa ka thanksgiving dance agig pasidungog sa patron sa dakbayan, nga si Sto. Tomas de Villanueva.
Ang pulong nga “Karansa” lumad sa dakbayan sa Danao ug nagpasabot sa pagsayaw sa ritmikong beats sa jingle niini.
Mahinomduman nga niadtong 1980’s sa pagsugod sa Karansa Festival, wala’y opisyal nga mga lakang sa sayaw. Niadtong 2007 pa lang gipaila ang signature steps, tungod sa vision ug creativity ni Danao City Councilor Carmen Remedios “Ivy” Durano, ang chairperson sa konseho sa dakbayan sa Tourism Committee. (Renante Lada and Ting Joe Pepito)
(Source: Danao-City LGU)