Nagmalapuson ang gipahigayon nga Citywide simulation exercise sa Cebu City Police Office (CCPO) kagahapong adlawa Septembre 12, 2024, pinanguluhan ni PCOL Antonietto Cañete, Acting City Director.
Sa pakig alayon kini sa nagkadaiyang mga ahensya aron pagtubag sa posibli nga tulis nga mahitabo sa dakbyan sa Sugbo.
Niabag usab ang Cebu Port Authority (CPA), Philippine Coast Guard (PCG), Cebu City Traffic Office (CCTO), City Disaster Risk Reduction and Management Office (CCDRRMO), ug mga remittance center.
Kining maong ensayo nagpunting sa pagtimbang-timbang sa pagkamabinantayon ug kaandam sa operasyon sa mga personahe sa CCPO sa pagtubag sa tinuod nga kinabuhi nga mga senaryo sa pagpanulis. Ang simulation naglakip sa usa ka mock robbery incident, nga gidesinyo sa paghagit sa response protocols ug inter-agency coordination sa mga partisipanteng ahensya.
“We conducted this simulation exercise to ensure that our personnel are well-prepared and equipped to respond effectively to any robbery incident that may occur in our city,”matod ni PCOL Antonietto Cañete, Acting City Director.
Ang simulation exercise nagtugot sa mga ahensya sa pag-ila sa mga dapit alang sa kalamboan ug sa pagpino sa ilang tubag protocols. Mga alas 12:16 sa udto, malampusong nasikop sa SWAT team ang usa ka suspek nga nagmaneho sa Honda City duol sa Radisson Blu sa Mabolo. Nunot sa pagkasikop sa suspek, giundang ang simulation exercise (SIMEX) mga alas 12:20 sa udto. (Renante Socia Lada)
(Source: CCPO)