Cebu City-Motakli na sa MECQ o modified enhanced community quarantine ang dakbayan sa Sugbo karong Hunyo 1 ngadto sa 15 samtang ang Mandaue City mous-os na sa GCQ o general community quarantine.
Kini nunot sa pag-classify sa IATF o Inter-Agency Task Force for the Management of Emerging Infectious Diseases sa Cebu City isip high risk areas ug sa Mandaue isip moderate risk areas basi sa Resolution no. 40 nga uwahing giaprobahan.
Sa nasayran, ang duha ka dakbayan ubos pa sa ECQ hangtod sa Mayo 31.
Pero samtang ubos sa MECQ ang Cebu City, matod sa IATF, mahimong ipatuman ang localized ECQ sa mga dapit nga anaa pa sa peligro sa virus.
Ang tibuok rehiyon 7 nga gilangkoban sa probinsiya sa Bohol, Cebu, Negros Oriental ug Siquijor magpabilin usab sa GCQ hangtod sa Hunyo 15.
Samtang ang Eastern ug Western Visayas ubos usab sa MGCQ o modified general community quarantine sa samang gidugayon.