Klaro ang mensahe ni Gobernador Gwen Garcia sa 1,044 ka mga kapitan ug konsehal sa barangay: Alagaran ang katawhan, bisan unsa pa ilang politikanhong baruganan.
“Hagit nako sa tanan: biya na ta sa daan ug dautang pamolitika. Biya na ta sa pamaagi nga ang tabang ug pagtagad para lang sa atong mga kaalyado sa politika, samtang ang atong kontra pasagdan ug paantuson,” matod ni Gov. Gwen atol sa convention sa Association of Barangay Councils (ABC) Cebu Federation nga gipahigayon sa Iloilo Convention Center.
Si Board Member Celestino Martinez III ang nangulo sa maong kalihokan, ug uban kang Garcia sa maong okasyon si Board Member Glenn Soco ug ang iyang anak nga si Carissa Garcia, ikaduhang nominado sa Ako Bisaya Partylist.
Gitumbok sa gobernador ang karaang pamaagi sa pipila ka opisyal nga nagserbisyo lamang sa mga katawhang mibotar kanila, samtang biyaan ang wala mosuporta. Gideskripsyonan niya kini nga “ngil-ad nga pamolitika” nga nagpadayon sa kakabus sa pipila ka komunidad.
Wala lang kini pulos nga istorya, apan usa ka pamatud-an sa iyang pagpangulo. Bisan kinsa nga nagmatngon sa politika sa Sugbo nakahibalo nga human sa eleksyon,
Si Garcia abli sa pagtrabaho uban sa tanan nga napili nga opisyal, bisan paman sa ilang panagkaatbang sa politika.
Kini makita sa iyang padayon nga pagprioridad sa mga proyekto ug imprastraktura sa Camotes Group of Islands, bisan pa nga ang upat ka mayor didto dili niya kaalyado sa May 2022 elections.
Ang tema sa maong panagtagbo mao ang “Barangay Synergy: Paths to Good Governance and Development Convention 2025.”
Source: Cebu Provincial Capitol, PIO
I via Renante Socia Lada
#mrpublicservice
Listen OnAir at 675KHz AM
Watch it on TV via Youtube
Pa-subscribed and LIKE
youtube.com/@RPNCebu
E-like E-share ang RPN DYKC Cebu
Paminawa sa atung web-radio
rpnradio.com/dykc-cebu
#rpn #rpncebu #rpnnews #radyoronda