Matod sa Cebu City PIO nga gidasig ni Acting Mayor Raymond Alvin Garcia ang tanang mga scholars sa dakbayan sa Sugbo nga motutok lang sa ilang pagtuon kay kanunay nagpaluyo ang Kagamhanan aron makab-ot ang ilang mga pangandoy.
Gibuhat niya kini niadtong Septiyembre 28, 2024, atol sa Cebu City College Scholarship Program “Scholarship Day” awarding ceremony nga gipahigayon sa Cebu City Sports Center (CCSC).
Kapin 20,000 ka mga tinun-an sa gikan sa lainlaing unibersidad nga mga scholars sa siyudad ang niapil sa maong kalihokan,s nga gisaksihan sab ni Acting Vice Mayor Donaldo Hontiveros ug Konsehal Joel Garganera.
“Makahinumdom gyud ko’s akong amahan, the former mayor (Alvin Garcia) of the City of Cebu nga niingon nako, ‘Raymond, education is your best weapon against poverty.’ Ang edukasyon kuno mao ang hinagiban batok sa kalisud, kawad-on ug kapobre,” pulong ni Acting Mayor Garcia.
Ang maong tugon sa iyang amahan iyang gitanom sa hunahuna ug kasingkasing nga seryosohon niya ang iyang pagtuon, hangtod nga nakahuman siya sa pagtungha ilabi na sa gihatag nga suporta sa iyang mga ginikanan.
Gawas nga usa ka abogado, nakahuman usab siya sa master’s degree in Business Management.
Nahimo siyang konsehal kaniadto sa Barangay Kamputhaw, nahimong konsehal ug bise mayor sa dakbayan, ug karon acting mayor human gipahamtangan og unom ka buwan nga suspension order sa Ombudsman si Mayor Mike Rama.
“Why I am telling you these stories? Because gusto pud ko nga kamong tanan, you will finish your studies and you will become professionals someday. Maybe some of you will become lawyers, teachers, police officers, doctors, nurses, etcetera,” pulong niya.
“But in order for you to achieve your dream of becoming a professional you have to finish your studies. That is the most important thing that you have to focus on now,” dugang ni Acting Mayor Garcia.
Gipahinumdoman niya ang mga tinun-an nga ang Kagamhanan sa Dakbayan sa Sugbo anaa nagpaluyo sa ilang pagtuon, hinungdan nga namugna ang Scholarship Program sa siyudad kapin usa na ka dekada na ang nakalabay.
“Padayon lang mo focus on your studies and make sure that you finish so that one day you we attain your dream of becoming a professional. Finish your education, we will support you all the way,” pulong ni Acting Mayor Garcia.
“And right now, we are now working on a program where we can also give financial assistance to our scholars, to our graduates, so that sila pud. It can jumpstart sa ilahang process to finding decent and good jobs, para pud sa ilang kaugalingon ug s ilang mga pamilya. (Renante Lada and Ting Joe Pepito)
(Source: Cebu City PIO)