Daghan ang nagpahimos sa libreng Mass Wedding sa Lungsod sa Minglanilla, Sugbo, kagahapong adawa, Pebrero 7, 2024, didto sa Immaculate Heart of Mary Parish.
60 ka mga parisan ang nabugkos sa kamenyuon na gipasiugdahan ni Minglanilla Mayor Rajiv Enad.
Gihimo kini dungan usab sa adlaw na natawhan ni Mayor Edad, matag usa kanila adunay tag 10 kilos na bugas ug tibuok lechong baboy aron muoli sila na malipayon ug adunay ikapaambit sa ilang mga pamilya ug higala.
Ang tanang mga gikasal nagpasalamat pag ayo ni Mayor Enad kay ang ilang dugay na plano na makasal natuman na gyud ug lebri pa gyud.
(Renante Socia Lada, photo courtesy of Mayor Rajiv Enad)