Human sa malampuson nga buy-bust operasyon sa mga sakop sa Philippine Drug Enforcement Agency Regional Office-7, Regional Special Enforcement Team Mandaue City Office (RSET-MCO), ug sa PDEA-7 Intelligence Section-Intelligence Operation Unit (IS-IOU), batok sa usa ka babaye nga durugista.
Didto kini sa Cokaliong Street, Brgy. Carreta, siyudad sa Sugbo, sa nakalabay na hapon, Oktobre 11, 2024.
Diin mga binultong shabu ang nakuha sa position ni Maria Christine G. Abarquez, 51, taga Barangay Cogon Pardo, Siyudad sa Sugbo, nga mukabat ngadto sa P34 milyon.
Nigawas sa imbestigasyon sa PDEA-7 pinaagi sa ilang tigpamaba nga mao si Leiah Alcantara nga ang mga drugas nga gipalusot sa Central Visayas gikan sa Luzon nga gipaagi sa mga pantalan na walay mga X-Ray machine.
Sa pagkakaron ang mga otoridad padayon sa ilang imbestigasyon aron pagsuta kung si kinsa ang supplier ni Abarquez sa ginadiling drugas. (Renante Lada)