Gi-kustodiya na karon sa kapulisan ang 10 ka mga batan-on nga nalambigit sa rambol didto Sitio Atlantis, Barangay Poblacion, lungsod sa Liloan, Sugbo.
Ang maong mga batan-on nagpanuigon og 16 ngadto sa 19 anyos.
Mahinumduman nga kagahapon sa kadlawon, Hunyo 16, 2024, adunay nahitabong rambol sa maong lugar tungod matod pa sa usa ka babaye.
Nag sinumbagay ug nagnilabayay kini og mga bato na adunay mga nangaigo.
Bisan pa sa pagpatrolya sa kapulisan apan nisi-aw gihapon ang mga grupo sa mga batan-on sa maong lungsod.
Ang maong kabugot nakuhaan kini sa CCTV na nag viral online.
Sa pagkakaron aduna nay giandam na tukmang kaso ang kapulisan batok sa mga batan-ong badlungon. (Renante Lada | Ting Joe Pepito)