29.8 C
Manila
Thursday, March 28, 2024

CdO Nakatala Og 9 Ka Bag-Ong COVID-19 Kaso, 69 Recoveries

- Advertisement -

Wala na makaabot og 10 ka kaso sa coronavirus disease (Covid-19) ang Cagayan de Oro human siyam na lang ka mga residente ang mipositibo sa virus, sumala sa report sa City Health Office sa dakbayan.

Ang kinatibuk-ang ihap sa mga kumpirmadong kaso sa Covid-19 sa syudad anaa na sa 2,817.

Sumala ni Acting City Health Officer Dr. Lorraine Nery, sa siyam ka mga bag-ong lokal nga kaso, usa ang close contact sa pasyenteng nagpositibo sa coronavirus ug duha ang mga lokal authorized persons outside residence (APORs).

Sa 2,817 nga kinatibuk-ang kaso sa Covid-19 sa syudad, 400 ang mga returning overseas Filipino workers/locally stranded individuals (ROFs/LSIs) ug 2,417 ang mga local transmissions.

Matud ni Nery, sa 2,417 nga mga local nga kaso, 179 ang mga persons deprived of liberty (PDLs), 1,225 ang mga local index cases, ug 1,013 ang mga local cases with link.

Ang Cagayan de Oro adunay 263 ka mga active cases, 99 niini na-admit sa Northern Mindanao Medical Center ug uban pang mga ospital sa syudad, 159 ang mga outpatients, ug lima ang mga ROFs/LSIs.

Nakatala usab og 69 ka mga Covid-positive nga mga kaso nga karon naka recover human nagnegatibo ang resulta sa ilang repeat swab test. Anaa na karon sa 2,416 ang ihap sa mga nakarekober nga mga kaso sa dakbayan.

Sa maong numero, 287 ang mga LSIs, 106 ang mga ROFs, ug 2,023 ang mga lokal nga kaso (community: 1,697; APORs: 326).

Ang ihap sa mga namatay sa Covid-19 sa syudad naa sa 140. (City Health Office)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -