Human nakakuha sa medium compliance rating gikan sa Department of the Interior and Local Government (DILG), gipasalig sa clearing team sa dakbayan sa Cagayan de Oro nga dugang pang operasyon ilang himuon aron matangtang ang mga obstruksyon sa kadalanan.
Hinuon matud pa ni Antonio Resma, spokesperson sa clearing team nga maayo na man tuod ang rating apan ila pa kining i-improve aron makuha nila ang taas pa nga rating sunod nga evaluation.
Matud pa ni Resma, komitido sila sa paghawan sa tanang public roads gikan sa mga obstruksyon niin.
Sa nakalabay nga adlaw, ang clearing team mihimo sa pagdemolish sa usa ka stairway ug canopy nga nakababag sa sidewalk sa Cogon Market, dugang pang clearing operations ang himuon sa maong team tungod kay daghan kaayong mga requests gikan sa mga barangay chairman pagtabang kanila sa paghawan sa mga barangay roads.