CAGAYAN DE ORO CITY- Dugang 79 mga health workers ang i-hire sa Cagayan de Oro alang sa padayong pagbakigbatok sa coronavirus tapos giuyunan na sa Department of Health ang maong emergency hiring. Kini nga mga bag-ong health workers unya ipahimutang sa JR Borja General Hospital ug alang sa City Health Office para sa Isolation Unit niini aron madugangan ang pwersa batok Covid-19.
Matud ni Dr. Ian Christian Gonzales, Infections Disease Cluster Head sa DOH-Northern Mindanao nga ang mga health workers nga ilang gitumbok sagol na kini sa doctor, nurse, medtech, radtech, nurse attendant ug admin aide.
Gipasabot ni Dr. Gonzales nga ang dakbayan ug ang DOH nagtinabangay gayod sa pagpakigbisog kontra sa coronavirus apan dili kini magmalampuson kon walay igong suporta sa katawhan sa syudad.