CAGAYAN DE ORO CITY- Gibutyag ni City Mayor Oscar Moreno kagahapong adlawa nga ang city government sa Cagayan de Oro mogahin sa 30 milyones pesos alang sa modular learning program sa Department of Education alang sa mga public schools niini. Ang modular learning program mao kini ang pagsagop sa kombinasyon sa face to face learning, on-line instruction, home schooling ug distance learning aron mahatagan kahigayunan ang mga estudyante sa pagpadayon sa ilang pagtuon nga dili makompromiso ang ilang pang lawas gumikan niining pandemic.
Sa panagtigom sa Mayor uban ni DepEd Division Superintendent Cherry Mae Limbaco nasayran nga moabot sa 71 milyones pesos ang gikinahanglan nga kantidad alang sa maong katuyuan apan gisugilon ni Moreno nga 30 milyones pesos lamang ang makaya sa syudad.
Matud ni Mayor Moreno, dili sila magmakuli sa pagtabang , labot na sa edukasyon ilabi na sa dugang pagtunol nila sa mga school building projects sud niining tuiga.