CAGAYAN DE ORO CITY- Malaumon ni City Mayor Oscar Moreno nga mamahimo ang Northern Mindanao nga usa sa mga fronthliners sa economic recovery sa nasud bisan pa sa strategic location and resources niini.
Base sa record sa National Economic and Development Authority, ang Northern Mindanao nakarehistro kini sa gibanabanang alkanse gumikan sa Covid-19 nga moabot sa PHP 14.7 bilyones gikan Marso 15 hangtud Mayo 31 samtang ang Department of Public Works and Highway mitaho nga adunay 542 ka mga proyekto balor sa PHP 11 bilyones ang nasuspenso sud sa unang unom ka bulan ning tuiga.
Matud ni Mayor Moreno ang pag-address sa health concerns usa ka husto nga paagi apil na ang pagexplain sa guidelines ug protocols nga kinaiyahan sa matag usa importante alang sa recovery process.
Gidugang pa sa mayor nga ang spirit and resiliency sa katawhan dakog tabang alang sa recovery process sa ekonomiya.
Maoy hinungdan nga wala niya gipatuman ang total lockdown sa Cagayan de Oro nga sa ingon dili gayod hingpit maparalisar ang ekonomiya niini. Naa man tuoy pagsira sa mga establisemento apan gamay ra kinig epekto sa kinatibuk-ang ekonomiya sa syudad.