CAGAYAN DE ORO CITY- Ang City Health Office mitaho nga haduol na sila sa global 95% minimum polio immunization target sa moabot 81,252 nga ubos singko anyos nga populasyon sa kabataan dinhi sa syudad sa Cagayan de Oro City. Sa pamahayag ni Dr. Ma. Ellen Santua, ang health office’s development management officer sa iyang post online nga adunay 94.17 cumulative 7-day accomplishment sa 14 ka adlaw polio outbreak response immunization period.
Ang 94.17% nagrepresent kini sa total nga 76,574 vaccinated children ug ang average sa maong performance sa 80 ka barangay nga gicluster sa upat ka distrito: Highland (100.23 %), East (97%), Central (94.79%) ug West (90.71%).
Sa gisugilon ni Santua nga sa Highland District, nakab-ot nila ang 6,446 nga under 5 years old ug kini sobra na sa 6,431 target nga gidisperse sa 12 ka upland barangays nga nahimutang sa southwestern side sa dakbayan.
Sa 12 ka mga barangays, kadtong nakaabot sa ciento por ciento mao ang Bayagna, Mambuaya, Dansolihon, Tignapoloan, Tagpangi, Pagalungan ug Taglimao. Ang uban pa nga mga barangay nga gituhuang makaapas pa sa nahabiling mga adlaw sa maong kampanya mao ang Lumbia, Besigan, Tuburan, Pigsag-an ug Tumpagon.
Ang data sa Polio Emergency Operation Center nagpakita nga sa East District adunay 21,548 gikan sa 22,182 ang nahatagan na sa bakuna; 17,986 gikan sa 18,947 sa Central District ug 30,543 gikan sa 33,661 sa West District. (OIC Gin Serohijos, RPN DXKO Cagayan De Oro)
(Source: City Health Office)