CAGAYAN DE ORO CITY- Usa ka locally stranded individual (LSI) gikan Manila ug usa ka returning overseas Filipino worker (OFW) ang mga bag-ong kaso sa Covid sa Cagayan de Oro diin miabot na kini tanan sa 31 ka kaso.
Ang usa ka kaso nag-apil na sa usa ka 19 anyos nga babaye nga taga Puerto ning dakbayan kinsa usa ka mall worker sa Makati City, matud pa ni City Health Office, Epidemiologist Dr. Joselito Retuya. Sa pagka karon nagpabilin pa kini siya sa isolation unit ning dakbayan ug aduna nay nahipos nga listahan sa iyang close contacts diin ang maong pasyente nakapuyo sa Pasay City samtang nakalockdown pa ang Manila. Ang lain pang bag-ong confirmed Covid positive mao ang 47 anyos nga lalaki diin kauban sa iyang pamilya gidala sa monitoring ug treatment facility. Ang maong lalaki nagpabiling asymptomatic ug bisan ang pamilya niini wala magpakita sa mga talagsaong sintomas. Sa pagka karon, anaa kini gipahimutang sa Upper Nazareth ug ubos sa focused confinement ug contract tracing ingon man ubos sa active health surveillance.
Sa pikas bahi, duha ka authorized persons outside residence o APOR ang konpirmadong usab nga positibo sa Covid.
Ang usa ka APOR usa ka personahe sa Philippine National Police gikan Sugbu samtang ang ikaduhang APOR personahe sa Phil Coast Guard nga gikan sa Manila.