Iriga City — Maorolay pa an management kan Casureco III sagkod an junta direktiba kun liwat sindang matao nin moratorium sa pagbayad nin moroso kan mga konsumidor., ini katakod kan sarong taon na extension kan bayanihan 2 na inaprobaran ni Pres. Rodrigo Duterte katakod kan padagos na pandemya huli sa covid 19.
Iyo ini an ipinahayag ni Ms. Ann Rochi-Iraola, opisyal na parapahayag kan Casureco III matapos na maka-olay kan Radyo Ronda.
Sigun sa saiya, sa lindong kan bayanihan 1 nagtao na nin exemption an kooperatiba sa mga sadit na konsumidor, alagad sa lindong kan bayanihan 2 dai pa ini napag-oolayan kan CASURECO III.
Sa tutuo sana, yaon ngunian sa disconnection an mga kabuhan kan Casureco III sa mga may moroso, poon kan bulan na Abril pababa sa pagtubod na kaipuhan man na mabuhay kan kooperatiba sa paagui kan pagbayad sa mga power supplier kaini.
Nangapudan pa si Rochi-Iraola na mientras na dai pa nin pinal na kasunduan an management asin board, kaipuhan na magbayad na kan mga konsumidor tanganing dai mamiligro an pinansyal na aspeto kan casureco III.
Sa lindong kan Bayanihan 2, igua nin moratorium na itinatao sa laog nin duwang bulan sag abos na pagkaka-utang, depende sa saindang kasunduan kun noarin babayadan alagad dai naman kaipuhan na maglampas sa bulan na Disyembre kan taon na presente.
(OIC Melvin Barayoga, RPN DZKI Iriga)
Â
(Source: Interview with Ms. Ann Rochi- Iraola)