Gisugdan na karong adlawa, Pebrero 6 sa City Scholarship Office ubos ni CSO Head Richel Petalcurin-Dahay ang pagdawat sa online applications alang sa City College Scholarships nga molungtad hangtud Marso 6 ning tuig.
Alang sa proseso, kinahanglan una mobisita ang mga aplikante niini nga link: bit.ly/ISDAApplication2023 aron masayran ang angay buhaton ug mga detalye kalabot sa programa.
Subay niini, gikinahanglan motambong usab ang mga aplikante sa “Online Applicants’ Assembly” karong umaabot Marso 4 pinaagi sa CDO City Scholarships Office FB page.
Human niini, isumite dayon ang mga rekisitos nga isulod sa usa ka long brown envelope uban sa pangalan, online application reference number, ug contact number, sugod Marso 13 hangtud Abril 5, alas-8:00 sa buntag hangtud alas-5:00 sa hapon.
Ang mapilian nga city scholars makadawat og mga benepisyo sama sa full tuition, matriculation ug other fees; monthly stipend ug holistic formation.
Kasamtangan, adunay 8,053 city scholars ang dakbayan. Gikatakdang i-anunsiyo ang listahan sa mga bag-ong city scholars karong Hunyo 2 ning tuig.
Alang sa dugang kasayuran, bisita o tawag sa ilang FB page: CDO CITY SCHOLARSHIPS OFFICE o sa numerong 0929-819-0819.
(Source: CIO – CDO, infographic courtesy of CSO)